Мәзір
26 ақпан, 2025 / JariaLike / Спорт

Азамат Дәулетбеков Алматыда Олимпиада ойындарының күміс жүлдегерін ұтты

Кеше күрестен PWL-8 турнирі өтті.

Азамат Дәулетбеков Алматыда Олимпиада ойындарының күміс жүлдегерін ұтты Азамат Дәулетбеков Алматыда Олимпиада ойындарының күміс жүлдегерін ұтты
Фотосурет sportnews.kz сайтынан

Әлемнің таңдаулы палуандары бас қосқан бәсекеде Қазақстан намысын үш спортшы қорғады: еркін күрес шеберлері Азамат Дәулетбеков пен Ризабек Айтмұхан және Жәмилә Бақбергенова (әйелдер күресі).
Дәулетбеков 86 келіге дейінгі салмақта дағыстандық, бірақ Беларусь елінің атынан шығып жүрген Магомедхабиб Кадимагомедовпен белдесті. Айта кетерлігі, Азаматтың қарсыласы биыл ғана 74 келіден 86 келіге ауысқан болатын. Бірақ соған қарамастан Беларусь елінің чемпионы атанды. Ал Дәулетбеков осы салмақта Әлем чемпионатының қола жүлдегері, Олимпиада ойындарында бақ сынаған.
Белдесу көрермен күткендей шиеленісті өтті. Толық екі кезеңге жалғасып, семейлік спортшы 4:0 есебімен басым түсті.
Өкінішке қарай, ересектер арасында 92 келіге дейінгі салмақта Әлем чемпионы атанған Ризабек Айтмұхан 97 келіге дейінгі салмақта азулы АҚШ палуаны Кайл Снайдерге жол берді. Бұл PWL-8 турнирінің басты белдесуі болатын. Ризабек 97 келіде Олимпиада ойындарында жүлде алуды жоспарлаған.
76 келіге дейінгі салмақта бозкілемге шыққан Жәмилә Бақбергенова қырғызстандық Айпери Медетқызына есе жіберді.

Әділхан Есімханов

Көп оқылды: