Жәнібек Әлімханұлы Қазақстанда чемпиондық атағын қорғайды

Kazinform мәліметінше, орта салмақта WBO және IBF нұсқасы бойынша әлем чнмпионы, қазақстандық кәсіпқой боксшы Жәнібек Әлімханұлының (16-0, 11КО) кезекті қарсыласы белгілі болды.
Top Rank промоутерлік компаниясының хабарлауынша, Жәнібек Әлімханұлы кезекті айқасын Қазақстанда өткіп, франциялық Анауэль Нгамиссенгуге (14-0, 9КО) қарсы чемпиондық белдіктерін қорғайды.
Айта кетерлігі, жекпе-жек 5 сәуір күні Астана қаласында өтеді деп жоспарланып отыр.
- Құрметті жанкүйерлер, бұйыртса 5 сәуір Астана қаласында жұдырықтасамыз! Өз елімде, сіздердің алдарыңызда өнер көрсетуді мақсат етіп жүр едім, оған да жеттік! 2 әлем чемпионы титулын қорғаймыз! Qazaq Style-ды ринг қасында, аренада отырып тамашалайсыздар! Жеңісті күнде жүздесейік, - деп жазды Жәнібек әлеуметтік желідегі парақшасында.
Еске салсақ, Жәнібек Әлімханұлы соңғы жекпе-жегін былтыр 4қазан күні Аустралияда өткізіп, Жаңа Зеландиялық Андрей Михайловичті тоғызыншы раундта техникалық нокаутпен тізе бүктірді.