Алматы қаласында жасөспірімдер өз құрбысын жабылып соққыға жықты. Оқиға 8 наурыз күні болған. Бұл туралы Orda.kz-ке сілтеме жасап Jarialike.kz хабарлайды.
Жәбірленуші құрбыларымен бірге сауда орталығында жүрген кезде мектептегі танысын кездестірген. Кейін олар сыртқа шығып, жанжалдасқан. Нәтижесінде 8 жасөспірім қыз 1 қызды ұрып-соғып, шашынан жұлып, кастетпен қорқытқан.
Жәбірленушінің анасы полицияға арыз жазғанымен, 8 адамның тек біреуіне ғана 40 мың теңге айыппұл салынған. Белгілі болғандай, төбелеске қатысқандардың бірі бұрын арнайы мектепте оқыған, бірақ тәртібіне байланысты оқудан шығарылған.
Аталған дерек бойынша қылмыстық іс қозғалды. Қатысушылар анықталып, олардың заңды өкілдері жауапқа тартылды. Істі кәмелетке толмағандар істері жөніндегі комиссия қарайды.
