Атырауда жол апатынан жасөспірім көз жұмып, 2 адам ауруханаға жеткізілді

Kazinform дерегінше, Атырау қаласынан Дамбы ауылына қатынайтын тас жолда ВАЗ – 2170 және Toyota Camry автокөліктері соқтығысты. 
– Жол апаты салдарынан 2007 жылғы бозбала жүгізген ВАЗ – 2170 автокөлігінде отырған 16 жасар жасөспірім оқиға орнында қайтыс болды. Аталған көліктегі тағы бір жолаушы мен жүргізушісі ауруханаға жеткізілді, – деп хабарлады департаменттің баспасөз қызметіндегілер. 
Қазір аталған жол-көлік оқиғасына байланысты кешенді тергеу амалдары басталды. 
– Ата-аналарға жасөспірімдердің көлік жүргізуіне және түнде бақылаусыз жібермеуді ескертеміз. Балалар қауіпсіздігін назарда ұстаған жөн, – делінген ақпаратта.