Жетісу облысының полициясы ер адамды бопсалаған үш қызды ұстап, оларға қатысты қылмыстық іс қозғады, деп хабарлайды Jarialike.kz.
Ішкі істер министрлігінің мәліметіне сүйенсек, Б. есімді азамат ақпан айында «Друг Вокруг» желісі ақылы А. есімді бойжеткенмен танысқан. Ары қарай бойжеткен оны үйіне қонаққа шақырған.
Пәтерге келгенде, үйде тек А. емес, тағы екі бойжеткен отырған. Біраз уақыттан кейін қыздардың бірі жігітті оңаша бөлмеге шақырған. Ер адам мен қыздардың бірі бөлмеге кіріп, шешіне бастаған кезде кенеттен екі қыз баса-көктеп кіріп, айғайлап, оны кәмелетке толмаған қызды зорламақ болды деп айыптаған, - деп хабарлайды ІІМ.
Осыдан кейін қыздар «бізге 800 мың теңге бересің не біз үстіңнен арыз жазамыз» деп бопсалаған.
Қыздар ер адамның жеке куәлігі мен жүргізуші куәлігін алып, ақшаны толық бергенде қайтарамыз деген. Күдіктілердің қысымынан сескенген ер адам екі рет 50 мың теңгеден беріп үлгерген. Қыздар келесі жолы 30 мың теңге алып жатқан жерінде қолға түскен. Күдікті қыздар ұсталып, қазір полиция тергеу бастады, - деп хабарлайды ІІМ баспасөз қызметі.
