Мәзір
20 ақпан, 2025 / JariaLike / Спорт

Чемпиондар лигасы: «Манчестер Сити»» жарыс жолынан шығып қалды

Екі команда да 4-4-2 жүйесімен ойнады.

Чемпиондар лигасы: «Манчестер Сити»» жарыс жолынан шығып қалды Чемпиондар лигасы: «Манчестер Сити»» жарыс жолынан шығып қалды
Фотосурет ашық дереккөзден

Қалың жанкүйер алдын ала болжап та айтып жатты. Екі тараптың да келесі кезеңге өту мүмкіндігі болды, бірақ бәрі ойын барысында шешілетін еді. Сөйтіп, бүгін футболдан УЕФА Чемпиондар лигасы ширек финалына шыққан барлық команда анықталды.
Соңғы төрт жолдамаға «Реал Мадрид» (Испания), «Боруссия Дортмунд» (Германия), «Пари Сен-Жермен» (Франция), ПСВ (Нидерланд) ие болды.
Испаниялық «Реал Мадрид» плей-офф сатысында Англияның «Манчестер Сити» командасымен кездескен еді. Алғашқы ойында Карло Анчелотти шәкірттері ағылшындық ұжымды 3:2 есебімен тізе бүктірді.
Бүгінгі кездесу барысында «Реал Мадрид» сапынан Килиан Мбаппе 4, 33. 61-минуттарда хет-триктің авторы атанып, жарыстың келесі сатысына берілетін жолдама тағдырын ертерек шешіп қойды. Оған «Манчестер Сити» құрамынан Нико Гонсалес 90-минутта бір голмен жауап қайырды. Азия құрлығының жанкүйерлері ерекше назар аударған өзбекстандық Абдукодир Хусанов алғашқы минуттан алаңға шықты. Өзіне жүктелген міндетті мінсіз орындауға тырысты. Төреші негізгі уақыттың аяқталуына 2 минут қосты. Сити сапынан жалғыз гол осы уақытта соғылған еді.
Осылайша, испаниялық клуб қарсыласынан 3:1 есебімен басым түсті. Жалпы есеп 6-3, мадридтік команда пайдасында.
Сондай-ақ Францияның «Пари Сен-Жермені» өз алаңында сол елдің «Брестін» 7:0 (бірінші ойын 3:0), нидерландтық ПСВ Италияның «Ювентусын» 3:1 (бірінші ойын 1:2) жеңсе, германиялық «Боруссия Дортмунд» Португалияның «Спортингімен» 0:0 есебімен (бірінші ойын 3:0) тең түсті.

Алмас Келесбай

Көп оқылды: