АҚШ-та көктем қашан келетінін суыр болжап беріпті

Kazinform-ның ВВС-ге сілтеме жасап ұсынған ақпаратынша, АҚШ-тың Пенсильвания штатындағы Панкссутауниде жыл сайынғы Cуыр күні аталып өтті және болжам көңіл көншітпейді. Суыр Фил тағы бір жарым ай салқын жел тұратынын болжады.
Болжам кеміргішпен арнайы таяқшаның көмегімен сөйлесе алатын Суырлар клубының президенті Том Данкелге «суыр әңгімесі» деп аталатын арнайы диалектпен жеткізілді.
Суыр күнін тойлау дәстүрі 1886 жылы ол Пенсильванияда ресми түрде танылған кезде пайда болған деп саналады. Панксутауни Суыр клубы бір жылдан кейін құрылды және алғашқы ресми болжам сол кезде жасалды.
Болжам былай жұмыс істейді: егер Фил есімді суыр таңертең шұңқырынан шығып, өз көлеңкесін көрсе, бұл тағы алты апта желді ауа райы болатынын, ал егер көрмесе, көктем ерте келетінін білдіреді.
Іс-шараның танымалдығы артып келеді. Филдің өз болжамдарын жасағанын көру үшін Панкссутауниге 30 мыңға дейін адам жиналады.