Бразилия құрамасы 2026 жылғы әлем чемпионатын Мароккомен 1:1 есебіндегі тең нәтижемен бастады. Матчтан кейін бас бапкер Карло Анчелотти команда ойынына сын айтып, турнирдің алғашқы кездесуі әрдайым қиын болатынын атап өтті.
«Бразилия ойынды нашар бастады. Команда қысым сезінді, допты жиі жоғалтты, жекпе-жектерде жеңіліп жатты. Бірақ әлем чемпионаты алғашқы матчта ұтылмайды, сондықтан нәтижеге көңілім толады», – деді италиялық маман.
Анчелоттидің айтуынша, екінші таймда бразилиялықтар ойын ырғағын тауып, матчты өз бақылауына алуға тырысқан. Дегенмен Марокко құрамасы тәртіпті қорғанысымен және жоғары қарқынымен фаворитке оңайлықпен мүмкіндік берген жоқ.
Матчтан кейін тәжірибелі бапкер турнирді ұйымдастыру жұмыстарына да наразылық білдірді. БАҚ өкілдерімен аралас аймақта (mixed zone) сұхбат беруден бас тартқан Анчелотти ұйымдастырушылар тарапынан құрметтің жетіспейтінін мәлімдеді.
Бұл нәтиже С тобындағы жағдайды күрделендіріп жіберді. Алдағы турда Бразилия Гаити құрамасымен кездессе, Марокко Шотландияға қарсы ойнайды. Плей-оффқа шығу жолындағы күресте келесі матчтардың маңызы ерекше болмақ.
