Бұрынғы ұлттық экономика вице-министрі және Алматы әкімінің экс-орынбасары Ілияс Өсеров 5 жылға бас бостандығынан айырылды. Іс Алматыдағы №2 Медеу аудандық сотында қаралған.
Биыл сәуір айында Антикор сол кезде ұлттық экономика вице-министрі болған Ілияс Өсеровке қатысты соталды тергеу басталғанын хабарлады. Онымен қатар бұл іс бойынша тағы екі адам бар – ҰҚКД орынбасары М. мен Мемлекеттік активтер басқармасының бастығы К.
Алматы қалалық сотының баспасөз қызметі олардың тәркіленген мүлікті ұрлағаны үшін сотталғанын хабарлады. Ресми түрде олар ҚР Қылмыстық кодексінің "Алаяқтық" және "Алаяқтыққа көмектесу" баптары бойынша айыпталды.
Сот "ҰҚКД орынбасары М. алдау арқылы Алматы қаласы әкімінің орынбасары У. мен Мемлекеттік активтер басқармасы басшысы К.-ның көмегі арқылы соттың үкімі бойынша көрінеу төмендетілген құны бойынша тәркіленген 5 мүлік объектісін иемденгенін" анықтады.
"Айыпталушылардың айыпталған әрекеттерді жасаудағы кінәсі іс бойынша жиналған дәлелдемелермен, куәгерлердің айғақтары, сот сараптамаларының қорытындылары, аудиторлық қорытындымен дәлелденді. Сот үкімі бойынша, М., өзінің қызмет бабын пайдалана отырып, бөтеннің мүлкін аса ірі мөлшерде ұрлау немесе бөтеннің мүлкіне құқықты аса ірі мөлшерде иемдену, ал У. мен К., мемлекеттік лауазымды атқаратын және өзінің қызметтік өкілеттіктерін пайдалана отырып, алаяқтыққа жәрдемдескені үшін кінәлі деп танылды", - деп хабарлады Алматы сотының баспасөз қызметі.
Осылайша, сот ақпараты бойынша ҰҚКД экс-орынбасары М. 8 жылға бас бостандығынан айыру жазасы тағайындалды. Мемлекеттік активтер басқармасының бұрынғы басшысы Қ. және Алматы әкімі Ілияс Өсеровке мемлекеттік қызметте қызмет атқару құқығынан өмір бойына айыра отырып, 5 жылға бас бостандығынан айыру тағайындалды.
Айыпталушылардың барлығы кінәсін мойындамады. Үкім заңды күшіне енген жоқ. Айта кетейік, Ілияс Өсеров 2019-2022 жылдар аралығында Алматы қаласы әкімінің орынбасары қызметін атқарған. 2022 жылдың мамырында ол ұлттық экономика вице-министрі болып тағайындалды.
