TikTok-та кең тараған ерекше ұзату рәсімі желі қолданушылары арасында қызу пікірге себеп болды. Видеода әнші Сәкен Майғазиевтің келіні ақ кілемге отырғызылып, ұзатылып жатқан сәтін көресіз,- деп хабарлайды Jarialike.kz.
Бірі бұл қадамды салт-дәстүрге жаңаша серпін беру деп бағаласа, енді бірі оны оғаш және орынсыз деп тапты.
Кей қолданушылар рәсімді әйгілі Алладин ертегісіндегі кілеммен байланыстырса, енді бірі: «Мағынасы бұзылмаса, жаңартуға болады» деген пікірде.
Тағы бірі бұл рәсімді батыс өңірлердің дәстүрімен байланыстырды.
Кейбір қолданушылар «Салтты заманауи форматта әсем көрсетуге болады. Бірақ тірі адамды кілемге отырғызып ұзату — шамадан тыс әрлеу секілді» деп жазған.
