Экология және табиғи ресурстар министрі Ерлан Нысанбаев Үкіметте өткен баспасөз конференциясында биыл Қазақстанға төрт Тұран жолбарысы әкелінетінін айтты, деп хабарлайды Jarialike.kz.
Нидерландыдан 2 жолбарыс әкелдік. Қазір олар «Іле-Балқаш» аймағының резерватында. Олардың жағдайы жақсы. Биыл жыл соңына дейін олар көбейеді деп үміттеніп отырмыз. Ақпан айында біз ресейлік әріптестерімізбен осы жолбарыс тұқымын асырау жөніндегі меморандум аясында жұмыс тобының алғашқы отырысын өткіздік. Ресейден жолбарыс өсіру бойынша мамандар келіп, біздің инфрақұрылымды көрді. Биыл тағы көп дегенде 4 Тұран жолбарысын әкелеміз, - деді министр.
Ол елімізде Тұран жолбарысының көбеюі бойынша жұмыстар жүргізіліп жатқанын айтты.
