Күн-Жария

«Реал Мадрид» Алматыға 16 қыркүйекте келеді

Іріктеу кезеңінде «Қайрат» бірқатар мықты қарсыласты жолдан тайдырды

Алматының «Қайрат» клубы 2025/26 маусымындағы Чемпиондар лигасының негізгі кезеңінде өз алаңында «Реал Мадридті» қабылдайды.

Тарихи кездесу Алматыда өтеді. Ал сырт алаңда «Интермен» өзара кім мықтыны анықтайды. «Қайраттың» үшінші қарсыласы – лондондық «Арсенал» клубы. Матч сырт алаңда өтеді. Сонымен қатар Бельгияның «Брюггесімен» кездеседі.

Іріктеу кезеңінде «Қайрат» бірқатар мықты қарсыласты жолдан тайдырды. Алматылықтар «Олимпияны» (қос матч қорытындысы бойынша 3:1), «КуПС-ті» (камбэкпен 3:2), словактың «Слованын» (1:1, пенальти сериясында 4:3) және Шотландияның атақты «Селтигін» (0:0, пенальти 3:2) жарыстан шығарды.

Осылайша, қазақстандық клуб алғаш рет Еуропа футболының алыптарымен бір алаңда бақ сынайды. Ал дебюттік қарсылас — аңызға айналған «Реал Мадрид».
Чемпиондар лигасы ойындарының кестесі:

Жалпы кезең

1-тур: 16-18 қыркүйек 2025 ж.
2-тур: 30 қыркүйек – 1 қазан 2025 ж.
3-тур: 21-22 қазан 2025 ж.
4-тур: 4-5 қараша 2025 ж.
5-тур: 25-26 қараша 2025 ж.
6-тур: 9-10 желтоқсан 2025 ж.
7-тур: 20-21 қаңтар 2026 ж.
8-тур: 28 қаңтар 2026 ж.

Плей-офф кезеңі

Қосымша матчтар: 17-18 және 24-25 ақпан 2026 ж.
1/8 финал: 10-11 және 17-18 наурыз 2026 ж.
Ширек финал: 7-8 және 14-15 сәуір 2026 ж.
Жартылай финал: 28-29 сәуір және 5-6 мамыр 2026 ж.
Финал: 30 мамыр 2026 ж. (Будапешт).

Фото: "Реал Мадрид" баспасөз қызметі