Business Media Central Asia Interlight Central Asia жəне Security&Building Central Asia көрме жобаларына ауқымды ребрендинг бастайды

Қазақстан жарық, технология жəне қауіпсіздік саласындағы əлемдік жетекші брендтердің жаңа орталығына айналуда. Business Media Central Asia (BMCA) халықаралық серіктестер мен əлемге танылған көрме бренді қолдауымен Interlight Central Asia жəне Security&Building Central Asia көрмелеріне ауқымды ребрендинг жариялады. Бұл шешім өңірдегі көрме индустриясының дамуына жаңа серпін беріп, Қазақстанды əлемдік жетекші алаңдар деңгейіне шығарады. Жаңарған B2B-платформа ел үшін ауқымды оқиғаға айналып, жарықтандыру жүйелері, энергия үнемдеу технологиялары, цифрлық қауіпсіздік, ғимараттарды автоматтандыру, инженерлік жүйелер мен қалалық инфрақұрылымға арналған тұрақты шешімдер саласындағы нарық көшбасшыларын, беделді сарапшыларды жəне мамандарды бір алаңға тоғыстырады.

Халықаралық əріптестердің ұсынысына сəйкес Interlight Central Asia жəне Security&Building Central Asia 2025 көрмелерін келесі жылға ауыстыру туралы шешім қабылданды. Бұған дейін 2025 жылғы 17–19 қыркүйекте Астанада өтеді деп жоспарланған шаралар енді əлемдік деңгейдегі жаңарған форматта ұсынылады. Ұйымдастырушылардың басты мақсаты – жобаны жарықтандыру, энергия үнемділігі, қауіпсіздік жəне Smartтехнологиялар саласындағы инновациялар орталығы ретінде мойындалған Қазақстанды айшықтайтын жетекші халықаралық брендке айналдыру. Бұл қадам бизнес-бағдарламаны кеңейтіп, саладағы əлемдік көшбасшылар қатысатын стратегиялық сессияларды қамтуға, «ақылды» технологиялар мен тұрақты инфрақұрылымдық шешімдерге басымдық беруге, сондай-ақ Қазақстанның Орталық Азиядағы халықаралық көрме индустриясының негізгі орталығы ретіндегі мəртебесін нығайтуға жол ашады. Interlight Central Asia көп жылдан бері инженерлер мен дизайнерлерге, сəулетшілер мен инвесторларға, құрылысшылар мен девелоперлерге арналған кəсіби алаң ретінде танылып келеді. Көрмеде электротехника, техникалық жəне сəндік жарықтандыру саласындағы ең жаңа шешімдер ұсынылады. Сонымен бірге бағдарлама аясында дизайн жəне «ақылды» технология күндері, B2B-кездесулер, мастер-кластар мен таныстырылымдар өтеді.

Security & Building Central Asia – қауіпсіздік жүйелері, ғимараттарды автоматтандыру жəне Smart-технологиялар саласындағы жетекші өндірушілер мен жеткізушілерді біріктіретін алаң. Мұнда ғимараттарды басқаруға арналған инновациялар, кешенді қауіпсіздік жүйелері, бейнебақылау құралдары, сондай-ақ «ақылды үйлерге» жəне «ақылды қалаларға» арналған шешімдер ұсынылады. «Бүгін біз компанияны жаңа деңгейге шығаруды жоспарлап отырмыз. Жобаларымыздың толық ребрендингі Қазақстан үшін жаңа мүмкіндіктер ашады. Көрмелерді келесі жылға ауыстыру арқылы біз аудиторияға ауқымды əрі сапалы жобаны ұсынбақпыз», – деді BMCA Қазақстан директоры Əнуар Мəлік. Ұйымдастырушылар алдағы ребрендинг аймақтың кəсіби қауымдастығын дамытудағы маңызды қадам болатынын жəне халықаралық əріптестікке жаңа мүмкіндіктер ашатынын атап өтті. Қатысушылар мен серіктестерге түсіністік пен қолдау білдіргендері үшін алғыс айтады. Қазақстан жарықтандыру, технология жəне қауіпсіздік саласындағы жаһандық көрме индустриясының жаңа орталығы ретіндегі орнын нығайтып келеді.