Қырғызстанда Алмазбек Атамбаев 11 жылға сотталды
Сот бұрынғы президенттің мүлкін және мемлекеттік марапаттарын тәркілеу туралы қаулы етті
Бішкекте Первомай аудандық соты Қырғызстанның бұрынғы президенті Алмазбек Атамбаевқа сырттай үкім шығарды. Сондай-ақ Қой-Таштағы оқиғаларға қатысты тағы бірнеше адам сотталды, деп хабарлайды Jarialike.kz.
Vesti.kg басылымының хабарлауынша, іс өндірісі барысында бірнеше эпизод қаралды: ТЭО модернизациялау, Қой-Иаш ауылында 2019 жылғы 7-8 тамыз күні болған оқиғалар, сонымен бірге сол ауылда жер телімдерін заңсыз алуға қатысты істер.
Сот шешіміне сай, Алмазбек Атамбаев кінәлі деп танылып, 11 жыл 3 айға бас бостандығынан айырылды. Сондай-ақ сот бұрынғы президенттің мүлкін және мемлекеттік марапаттарын тәркілеу туралы қаулы етті.
Қалған сотталушылар 3 жылдан 7 жылға дейін сотталды.