Астанада келесі жылы жаңа әуежайдың құрылысы басталады
Бұл туралы президент Қасым-Жомарт Тоқаев Қазақстан халқына Жолдауында айтты.
Астанада жаңа әуежай салынады. Бұл туралы президент Қасым-Жомарт Тоқаев Қазақстан халқына Жолдауында айтты.
Қасым-Жомарт Тоқаев қазір Қазақстанда бірнеше әуежайдың құрылысы қатар жүргізіліп жатқанын еске салып өтті.
"Мұндай нысандарды бір мезетте салу тәжірибесі ел тарихында бұрын-соңды болмаған. Арқалықтағы әуежайды қалпына келтіру жұмысы аяқталды, таяуда Зайсан, Катонқарағай, Кендірлі әуежайлары іске қосылады. Келесі жылы осы саладағы әлемдік ірі компаниялардың бірін тарта отырып, Астанада жаңа әуежайдың құрылысын бастаймыз", - деді Президент.