«Орбан дәуірінің» аяқталуы: Венгрия үкіметін ресми түрде Петер Мадьяр басқарды
Венгрияда үкімет басшылығы ауысып, елді Петер Мадьяр басқарды. Бұл оқиға «Орбан дәуірінің» аяқталуы ретінде бағалануда.
Сенбі, 9 мамырда Венгрияда Тиса партиясының жетекшісі Петр Мадьяр бастаған жаңа үкімет ант қабылдап, ресми түрде жұмысын бастады, деп хабарлайды Jarialike.kz халықаралық БАҚ-қа сілтеме жасап.
Бұл оқиға елдегі ұзақ жылдар бойы билікте болған премьер-министр Виктор Орбанның саяси кезеңінің аяқталуы ретінде бағалануда.
Жаңа үкімет басшысының тағайындалуы Венгрия саясатында үлкен бетбұрыс ретінде қарастырылып отыр. Сарапшылардың пікірінше, бұл өзгеріс елдің ішкі және сыртқы саяси бағытына ықпал етуі мүмкін.
Ант бергеннен кейін Мадьяр парламентте алғашқы сөзін сөйледі. Ол жаңа үкімет венгр халқынан ел өмірінің «жаңа тарауын ашу» мандатын алғанын, Венгрия қазір «еркін, адамгершілігі мол, үмітті дәуірге» ұмтылып жатқанын және жаңа үкімет «бізді біріктіретін нәрсе бізді бөлетін нәрседен де күштірек» болуын қамтамасыз етуге уәде бергенін атап өтті.
Дәл осы күні парламенттің ұлық сессиясында заң шығарушы органның спикері сайланды. Жаңа спикер Тиса өкілі Агнес Форстхоффер болды.
Жаңа спикердің алғашқы шешімдерінің бірі 12 жылда алғаш рет ЕО туын парламент ғимаратына қайтару болды. Елдің бұрынғы премьер-министрі Виктор Орбан жаңа парламенттің инаугурациялық отырысына қатысқан жоқ. Оған Венгрияның бұрынғы сыртқы істер министрі Петр Сиярто қатысты.
Парламент алдындағы алаңда «Орбан дәуірінің» соңын атап өтуге келген адамдар толы болды.
Жақында жүргізілген сауалнамалардың біріне сәйкес, мажарлардың 64 пайызы Мадьяр Украинамен қарым-қатынасты жақсартады деп есептейді.
Сонымен қатар «Тиса» сайлаушылары Украинаның ЕО-ға кіруі туралы келіссөздерді бұғаттаудан шығару керек пе деген пікірде.