JariaLike.kz

Қазгидромет 14-16 қыркүйек күндеріне арналған ауа райы болжамын ұсынды. 
Демалыс күндері әлі де ауқымды антициклон Қазақстан аумағының көп бөлігін қамтиды, сол себептен жауын-шашын болмайды.  
Тек елдің солтүстігінде, шығысында және орталығында атмосфералық фронттардың әсерінен жаңбыр жауады: республиканың шығысында түнгі уақытта жауынның соңы қарға ұласуы мүмкін. 
Республика бойынша жел күшейеді. Түнгі және таңертеңгі уақыттарда елдің солтүстігінде, солтүстік-батысында және шығысында тұман түседі. 
16 қыркүйекте топырақ бетінде 2 градусқа дейін үсік жүреді.
Күндіз ауа температурасы: республиканың батысында +20+30°С, солтүстік-батысында +12+25°С, шығысында +5+18°С, оңтүстігінде +23+32°С, елдің солтүстігінде және орталығында +15+23°С-тан +10+18°С, оңтүстік-шығысында +10+23°С-тан +15+27°С-қа дейін көтеріледі.

Фото: ашық дереккөзден